Bertso-afaria Lekunberriko kanpinean

Datorren ostiralean, abenduaren 19an, bertso-afaria izango da Lekunberriko kanpinean. Afaria gaueko 21:30ean hasiko da eta Julio Soto eta Igor Elortza arituko dira bertsotan.

Izena emateko, hurbildu kanpinera edo deitu 610087746 zenbakira, osteguna baino lehen.

Anima zaitezte!

Kashbad Kantinan

Kaixo lagunok!

Datorren larunbatean, hilak 13, Kashbad taldea "Arrakala" diska berria aurkeztera dator Kantinara. Gaueko 23:30ean da hitzordua.

Kutsu arabiarreko izena duen talde hau 1991n sortu zuten, Errenterian (Gipuzkoa). Hardcoretik abiatuta, intentsitate eta melodia handiko kantuak idatzi zituzten, baina, horrez gain, abeslaria Sorkun Rubio izateak asko lagundu zien. Zer esanik ez, Euskal Herriko rockean sexuen arteko berdintasunaren aldeko bidea zabaldu zuten, askorentzat eredu bihurtuz. Taldeak hiru disko grabatu zituen eta 2001. urtean desegin zen, baina 2007an berriz elkartu zen hiru kontzertu emateko. 2014ko urtarrilean kanta berriak sortzen ari zela iragarri zuen taldeak (Iturria: Badok.info).

Anima zaitezte!

Abenduak 3, Euskararen Eguna

Urtero bezala, abenduaren 3an, Euskararen Eguna ospatuko dugu. Horretarako, Lekunberrin euskararen aldeko argazki erraldoi bat atera nahi dugu.

Gure herrietan euskaraz bizitzeko eskubidea dugulako eta euskaraz bizi nahi dugulako etorri geurea den eskubide bat aldarrikatzera.

Noiz: abenduaren 29an
Non: Lekunberriko udaletxean
Ordua: 16:00etan.

Animatu eta parte hartu!! Zuek gabe ezin!

Mendukilora txangoa

Kaixo lagunok:

Datorren ostegunean, hilaren 27an, euskaltegiko ikasleek Mendukiloko kobak ikustera joateko txangoa antolatu dute. Bertan, lehenengo bideo bat ikusiko dugu eta ondoren, ordu beteko bisita gidatua eskainiko digute.

Eguerdiko 14:30etan euskaltegitik abiatuko gara eta 16:30ak aldera itzuliko gara.

Mintzakideok ere gonbidatuta zaudete, beraz, norbaitek interesa badu, deitu 948 607 704 telefonora edota idatzi larraun@aek.org helbidera.

Anima zaitezte!

Korrika badator!

Euskararen aldeko lasterketa erraldoia martxoaren 19an, Urepelen (Nafarroa Beherea) hasi eta martxoaren 29an Bilbon (Bizkaia) bukatuko da. Edizio honen lelo eta mezu nagusia Euskahaldun! da.

Bestalde, Korrika 19k eta AEK-k Durangoko Azoka omendu nahi du. Herri honek auzolanean eta elkarlanean lorpen handiak egin ditu. Zalantzarik gabe, horietako bat da Durangoko Azoka. Ia 50 urteko ibilbidea dauka, 2015ean, 19.Korrika burutuko den urtean, alegia, beteko baitu mende erdia.

Ruper Ordorika Kantinan

Hurrengo ostiralean, hilaren 14an, Ruper Ordorika etorriko zaigu Lekunberriko Kantinara. Kontzertua arratsaldeko 20:00etan izango da. Sarrera doan.

Anima zaitezte!

Eskuratu Errigora saskiak gure euskaltegian

Aurten ere Errigora egitasmoa martxan jarriko dugu AEK-k, Sortzenek, Ikastolen Elkarteak eta Zazpiak Bat Harreman Sareak. Errigora Euskal Herria oinarri eta elkarlana lanabes dituen ekimen herritarra da. Nafarroa hegoaldea du ardatz eta “euskara ofiziala ez den zonaldean” eragin nahi du, eremu horretakoak propio diren produktuei Euskal Herrian bidea emanaz, euskaratik, euskararako eta euskaraz.

Horretarako, 50 euroren truke nafar produktuz osatutako saskia eskuratu ahal izango da gaurtik hasita azaroaren 12ra bitartean. Eskaera Larraungo AEKn egin dezakezue, larraun@aek.org helbidera idatziz edota 948 604 704 telefonora deituz.

Iaz, 8.0000 saskitik gora banatu eta 112.000 euro lortu ziren Nafar hegoaldeko euskalgintzarako. Aurten lorturako diruaren %25 Nafar hegoaldeko hiru proiektuetara joango da; Erriberako ikastolak, Euskaraz bizi eta ikasiko Hamarratz proiektua eta Erriberako AEK.

Mintzataldeen ordutegiak

Kaixo lagunok!

Hauexek dira aurtego mintzataldeen ordutegiak:

- Astearteetan 18:00etan Kantinan.

- Astearteetan 19:30ean Kantinan.

- Asteazkenetan 11:00etan Albin.

- Asteazkenetan 17:30ean Kantinan

- Ostegunetan 17:30etan Kantinan.


Talde batean baino gehiagotan parte hartu nahi izanez gero, dinamizatzaileari jakinarazi.

Izena emateko idatzi larraun@aek.org helbidera edo deitu 655729879 telefonora.

Anai-arrebak taldearen kontzertua Kantinan

Datorren igandean, hilak 26, dantzarako aukera aparta izango dugu Anai-arrebak taldearen eskutik. Arratsaldeko 20:00etan izango da Lekunberriko Kantinan. Sarrera 5 euroren truke.

Anima zaitezte!

Mintzakide berriz martxan

Datorren ostegunean, hilak 16, Kantinan geratu gara mintzakide guztiok arratsaldeko 17:00etan taldeen berri emateko eta elkar ezagutzeko.

Hurrengo astetik aurrera, beraz, lotsarik gabe praktikatuko dugu euskara!

Anima zaitez! Deitu 948 604 704telefonora edo idatzi larraun@aek.org helbide elektronikora.

Mintzakideen topaketa bertan behera

Oso jende gutxi animatu dela ikusirik, Lekunberriko jaien aitzakipean ostiralean egitekoa zen mintzakideon topaketa bertan behera geratu da.

Mintzakideon lehenengo topaketa

Lekunberriko jaiak direla aprobetxatuz, mintzakideon lehenengo topaketa egitea pentsatu dugu. Herriko jai giroan barneratu, pote batzuk hartu, elkar ezagutu eta, batez ere, ongi pasatzea izango da gure helburua!

Hitzordua: urriaren 10ean, ostiralean, arratsaldeko 18:00ak inguruan Amairu tabernan.

Anima zaitezte!

Izan mintzakide!

Aurten ere martxan da Larraun eta Lekunberriko Mintzakide programa. Oraingoan #lotsarikgabe izango da gure leloa. Beraz, badakizue, utzi lotsa alde batera eta eman euskaltegian izena!

Izena emateko:

948604704 / 607622102 

larraun@aek.org 

Kantu-poteoa

AEK-k ikasturte berriko matrikulazio kanpainaren baitan, kantu-poteoa antolatu du irailaren 19an, ostirala. Arratsaldeko 18:30etan, Lekunberriko plazatik abiatuko gara. Kantu-poteoa larraundar soinu-jole, bertsolari eta kantariekin eginen dugu tabernaz-taberna eta ondoren, Kantinan luncha eskainiko dute parte-hartzaile guztientzat. 

Denon artean matrikulazio kanpainari bultzada emateko, anima zaitezte eta eman diezaiogun hasiera asteburuari kantari!

Matrikulazio kanpaina zabalik Larraungo AEKn

Anima zaitez eta ikasi euskara gurekin!

- Euskara eskolak
- Autoikaskuntza
- Guraso taldeak
- Titulu homologatuak
- Mintzakide egitasmoa

Iparraldeko Euskara Mankomunitateak diruz lagundutako ikastaroak.

Izena emateko azken eguna irailaren 26a.

Bulego ordutegia: 10:00-14:00 eta 17:00-19:00

Telefonoa: 948604704 edo 607622102
larraun@aek.org

Matrikulazio eskaintza berezia

2014/15 ikasturtean, euskara ikasten jarraitu edo euskara ikasten hasi nahi baduzue, ez itxaron, orain izena orain emanez gero hainbat abantaila izango dituzu eta:

Ekainaren 20a baino lehen aurrematrikula egiten dutenek honako abantaiala hauek izango dituzte:

• %5eko deskontua 14-15 ikasturteko matrikularen prezioan
• Ordainketa malguagoa, epe bat gehituta ohiko ordainketa epeei
• Lehentasuna taldeak eratzeko orduan

Orain matrikulatuz gero, ekarpen hau egin beharko duzue aurrematrikula gisa (lehenengo ordainketa):

• 240 ordutik gorako ikastaroetan: 120 €
• 240 ordu-120 ordu bitarteko ikastaroetan: 100 €

Ikastaroa ez egitea erabakiko bazenute, aurrematrikularen %100 itzuliko zaizue, irailaren 26a baino lehen jakinaraziz gero. Irailaren 29tik aurrera, matrikula-itzulketen ohiko baldintzak aplikatuko dira.

Izen emateak eta informazioa: AEKren edozein euskaltegitan // 673 200 100 // 946 464 000

Aprobetxatu AEK-ren aurrematrikula eskaintza berezia. Eman izena ekainaren 20a baino lehen eta ikasi eta landu euskara gure euskaltegietan!

Euskararen kate hautsiak

Gaur, maiatzaren 30ean, arratsaldeko 20:00etan Dabid Anautek hitzaldia emango du Lekunberriko Kantinan.

Ikasturte amaierako bazkaria

Larraungo AEK-k ikasturte amaiera ospatu nahian, bazkaria antolatu du ekainaren 13an, ostiralean,  Aldazko ostatuan. Eman izena euskaltegian.

Animatu, esan zure ingurukoei eta parte hartu!

Udan ere mintzakide!

Udan ere euskara praktikatu nahi baduzu, ez galdu aukera! Izan ere, udan ere mintzakide taldeak sortuko ditugu. Eman izena euskaltegian edo jakinarazi dinamizatzaileari. Izena emateko epea ekainaren 20an amaituko da.

Animatu eta parte hartu!

Udan ere euskaraz!

Afaria Oderizko sagardotegian

Txotx garaian gaudela eta, plan ezinhobea dugu zuentzat: afari goxo-goxoa Oderizko Juanluzenea sagardotegian martxoaren 28an, ostiralean. Afaltzera joan aurretik, pote batzuk hartuko ditugu eta gero sagardotegira abiatuko gara. Taxiz egingo dugu joan-etorria, lasaiago ibiltze aldera.

Elkargunea: Ainhoa tabernan iluntzeko 20:00etan (bestela, 21:00etan sagardotegian)

Menuaren prezioa: 32 euro

Anima zaitezte!!!

Bertso-afaria

Martxoaren 15ean Andoni Egaña eta Uxue Alberdi gurera etorriko dira. Aukera paregabea giro euskaldunean bertso saio on batez gozatzeko eta ongi pasatzeko!

Anima zaitezte!

Lekunberriko inauteriak

Larunbatean Lekunberrin inauteriak ospatuko ditugu. Anima zaitezte, jantzi mozorroak eta atera kalera!

Santa Ageda bezpera

Otsailaren 4an asteartearekin, Lekunberri-Gorriti-Uitzi.


Hartu makilak, alai dezagun
larraun ibarra kopletan
mitxausenetik irtengo gara
arratsaldeko bostetan.

Lekunberriri buelta bat eman
eta salto Gorritira
bagoazela badakite eta
gure zain egongo dira.

Bide zaharra hartuko dugu
Uitzira ailegatzeko
mokadutxo bat emango dute
barneko hotzak kentzeko.

Anima zaitezte!!

17:00ean Mitxausenean (ekarri makilak eta kantatzeko gogoa!)